Ruka hadi kwenye maudhui makuu

Namna ya Kupika Tambi za Mayai Rahisi Bila Mboga

advertisement Kupika tambi za mayai ni njia rahisi na haraka ya kuandaa mlo bila kutumia viungo vingi. Hili ni pishi linalohitaji muda mfupi na gharama ndogo, hivyo ni chaguo bora unapokuwa umechoka au una muda mfupi jikoni. Pishi hili la tambi za mayai, au “pasta” zenye mayai, linachukua takribani dakika 20 tu mpaka liko tayari kuliwa.

Mahitaji ya Kupika Tambi za Mayai

Tambi – nusu pakti (au kulingana na idadi ya watu)

Mayai – mawili au matatu

Nyanya – mbili au tatu (zilizosagwa)

Kitunguu maji – 1 (kikubwa, kilichokatwa vizuri)

Karoti – 1 (iliyokunwa)

Hoho – nusu (iliyokatwa vipande vidogo)

Mafuta ya kupikia – vijiko viwili hadi vitatu vya chakula

Sukari – vijiko vitatu vya chakula (hiari, unaweza kutumia chumvi badala yake)

Chumvi – kiasi


Maandalizi

1. Chemsha Maji: Weka sufuria jikoni na chemsha maji ya kutosha kwa ajili ya kuchemsha tambi. Wakati maji yanachemka, kata tambi zako kwa urefu unaopenda, hasa kama unatumia tambi ndefu.


2. Andaa Viungo Vingine: Saga nyanya zako vizuri, kata vitunguu kwa mtindo unaopenda, na kung’oa karoti. Kata hoho kwa vipande vidogo na weka pembeni.


3. Chemsha Tambi: Weka tambi kwenye maji yanayochemka na ongeza vijiko vitatu vya sukari (au chumvi kidogo kama unapenda). Chemsha mpaka tambi ziive vizuri. Epua tambi zako na zioshe kwa maji baridi kidogo ili zisitokane.


advertisement
4. Andaa Mchanganyiko wa Mayai: Pasua mayai kwenye bakuli, ongeza chumvi kidogo na koroga ili kuchanganya vizuri.



Hatua za Kupika Tambi

1. Kaanga Vitunguu na Karoti: Weka sufuria jikoni na ongeza mafuta ya kupikia. Ongeza vitunguu na kaanga mpaka viwe vya kahawia. Ongeza karoti na kaanga kwa dakika moja.


2. Ongeza Nyanya na Mayai: Weka nyanya zilizosagwa kwenye sufuria na pika mpaka ziive vizuri na mafuta yaanze kuonekana juu. Kisha ongeza mchanganyiko wa mayai na chumvi, koroga mpaka mayai yaive.


3. Changanya na Tambi: Baada ya mayai kuiva, ongeza tambi zilizochemshwa kwenye sufuria. Koroga vizuri ili tambi zichanganyike na viungo vingine. Mwisho, weka hoho na funika kwa dakika nne ili harufu nzuri izae na viungo vikolee.


4. Pakua na Furahia: Funua sufuria na koroga tambi zako kwa mara ya mwisho. Harufu nzuri ya tambi na mayai itajaza jikoni – ishara kuwa mlo wako uko tayari!



Jipatie Uzoefu Mpya Tambi hizi zinaweza kuliwa bila mboga ya ziada na ni chakula kamili. Kama unataka kujifunza pishi lingine la haraka, tuandikie hapo chini!


Lebo:

Maoni

Chapisha Maoni

Machapisho maarufu kutoka blogu hii

Jinsi ya Kutengeneza Bagia za Dengu – Kitafunwa Kitamu kwa Chai

  Bagia za dengu ni kitafunwa maarufu katika Afrika Mashariki, hasa kwa wale wanaopenda vitafunwa vya kukaanga vyepesi na vyenye ladha ya kipekee. Zinapendelewa sana wakati wa chai ya asubuhi au jioni. Katika makala hii, utajifunza jinsi ya kutengeneza bagia za dengu kwa njia rahisi kwa watu 3 hadi 6. Viungo Vinavyohitajika Dengu 2 vikombe – zilizooshwa na kulowekwa kwa masaa 6 au usiku mzima Kitunguu maji 1 – kilichokatwa vipande vidogo Kitunguu saumu punje 2 – zilizopondwa au kusagwa Pilipili mbichi 1 – iliyokatwa vipande vidogo (hiari) Giligilani (coriander) iliyokatwa – kiasi Chumvi 1 kijiko cha chai Pilipili manga ½ kijiko cha chai Bizari ya manjano ½ kijiko cha chai Unga wa ngano ¼ kikombe (kwa kushikamanisha) Maji – kiasi kidogo kama inahitajika Mafuta ya kukaangia – kiasi Maelekezo ya Kutayarisha Bagia za Dengu Hatua ya 1: Kusaga Mchanganyiko wa Dengu 1. Baada ya kuloweka dengu, zioshe na zichuje vizuri. 2. Weka dengu kwenye blender au mashine ya kusagia na usage hadi upate...
Chapisha Maoni
Endelea kusoma

Mapishi ya Skonzi (Scones) – Rahisi na Laini

  Skonzi ni vitafunwa laini na vitamu ambavyo vinaweza kuliwa na chai au kahawa. Ni rahisi kutengeneza nyumbani na vinahitaji viungo vichache tu. Katika makala hii, utajifunza jinsi ya kuandaa skonzi za ladha nzuri kwa watu 3 hadi 6. Viungo Vinavyohitajika Unga wa ngano – 2 ½ vikombe Baking powder – 1 ½ kijiko cha chai Chumvi – ½ kijiko cha chai Sukari – ¼ kikombe Siagi baridi – ½ kikombe (au vijiko 8 vya chakula) Maziwa ya kawaida au maziwa mgando – ¾ kikombe Yai 1 – limepigwa (kwa kupaka juu) Maelekezo ya Kutayarisha Skonzi Hatua ya 1: Kuandaa Mchanganyiko 1. Katika bakuli kubwa, changanya unga wa ngano, baking powder, chumvi, na sukari. 2. Ongeza siagi baridi na uitwange kwa mikono au tumia uma hadi iwe na muundo wa mikate iliyovunjika. 3. Ongeza maziwa kidogo kidogo huku ukichanganya taratibu hadi upate donge laini. Hatua ya 2: Kutengeneza Skonzi 1. Nyunyiza unga kidogo kwenye sehemu ya kukandia, kisha weka donge la unga. 2. Sukuma hadi liwe na unene wa karibu 1.5 cm. 3. Tumia ...
Chapisha Maoni
Endelea kusoma